[轉貼]香港結婚模式 ＝ 無良o既搵老襯陷阱

最近的五百元人情事件, 除了對那個"港女"作出了殘酷的聲討外. 其實我們也應細心想想我們的婚禮模式.

 我一直都很反對這樣的模式,我也很幸運地沒跌入這陷阱 (多謝太太)

在香港, 我們表達自己的愛和快樂,該不只有消費吧?

++++++++++++++++++++++++++++++++++++++++++++++++++++++++++++

香港結婚模式　＝　無良o既搵老襯陷阱

其實所有o野就係俾商家佬賺錢，自己又要撲水，仲有人借錢結婚，根本就所有野俾哂婚紗公司、婚禮統籌、婚禮攝錄影、酒樓 / 酒店婚宴等等．．．

大家覺得婚禮係傳統o既大日子，所以就覺得應該付上昂貴o既金錢去換取不合理 / 不對等o既服務，因為所有商家佬捉實你要「搞一個難忘有記念性o既日子」，呢個觀念非常錯誤，因為大家忘記o左成件事同你o既婚姻無關係，你就算做哂所有o野，俾哂所有錢都換唔到美好o既婚姻，亦唔會令你老爺奶奶、外父外母對你日後o既表現加分，因為你其實只係搞一個勞師動眾o既表演，你做得好只係俾人感覺到你好奢華，做得唔好唔好怪人恥笑，而且你仲要求人俾相當份量o既「人情」去填你o既支出，你覺得東奔西跑係為婚姻帶o黎咩好結果？你還未夠傻嘛？

「婚禮攝錄影」＜－－ 呢個係由器材便宜後，所有攝影者自購相機後顯身出o黎o既行業，根本係一窩蜂毒龍同業餘者博大霧之選，佢地只會知自己o既器材愈買得貴，佢地自覺身價可以高漲，但如何定價？這是靠他個人口才行先，他先行叫你睇一d執到人唔似人o既sample相，然後講到自己點運用氣氛，燈光同什麼明星採用過o既提材風格去「大你」，然後你聽過後，如果你相信佢九唔搭八會為你帶o黎什麼浪費o既回憶，請你好好問自己係咪發明星夢太耐，根本除o左你自己，當日big day o既相其實冇人會欣賞，仲有請你可以o既話你可以反問佢：「你憑咩收$2000以上o既價錢一個攝影人員？」，係因為佢o既器材？佢後期用翻版Photoshop幫你執樣？定係所謂o既千篇一律o既snap shot同group photo技術？不要跟我說你多重要，因為價錢係由你定多於市場，所謂婚禮攝錄影師可能比你朋友多支燈、多支腳、或多條track，唔好同我講到好似拍微電影咁，你地自問值$1500嘛？點解你可以貴過一個電影龍虎武師？

好多人結婚都唔想擺酒，只係擺俾D長輩開心下，但長輩你地o既開心換o黎又要浪費一筆血汗錢、極致o既人力物力、無謂o既冷言冷語，值得嘛？仲有四大長老，唔好屈人地想參加或者話想睇你點成家立室，人地唔係好鍾意睇你玩新郎食wasabi，更唔想俾$500-$1000入o黎食埋d干燒伊麵，希望我地下一代，同之後個generation， 唔使再搞呢d「垃圾婚禮」，根本就係自己同親友個個都有金錢損失，各位...認真...你會深思一下你o既婚姻嘛？

https://www.facebook.com/photo.php?fbid=450415378337692&set=a.159646017414631.34801.155205654525334&type=1&relevant_count=1&ref=nfhttps://www.facebook.com/photo.php?fbid=450415378337692&set=a.159646017414631.34801.155205654525334&type=1&relevant_count=1&ref=nf